خايف عليك

//


\\


//



\\



//



\\






خايف عليك من النسايم والعباير والمطر ..
خايف عليك من عيون كل البشر ..
إللي تشوف وما تسمي ..
بخالق ثنايا صورتك ..
إللي أحلى من صور كل الزهر ..
خايف عليك في غربتي وفي غربتك ..
وأسأل أنا خافقي عن دنيتك :
من يشيل الضيم من خاطرك ..؟
من يسمح ماه نور مقلتك ..؟
من يسامر وحدتك ..؟
من يطالع في المرايا طيف نور صورتك ..؟
من يغني لك عن مقادير محبتك ..؟
من يصورها بسمتك ..؟
من يطمن خافقي لي شكى ..؟
من يهون وقتك الغالي لي بكى ..؟
ومن يبادلك المحبة لا عانت أيامك غفى ..؟
ما تصدق يا خافقي لو أقلك ..
أني خايف عليه من سواد الليل لا رمشه غفى ..؟
بلغه يا خافقي ..
أن قلبي من يوم رحل ما قد خفق ..
وأن شوق القلب في حزنه غرق ..
وأن تماشت ساعتي ..
أو ثواني غربتي ..
أو أيامي وشهور الليالي ..
صدقني حزني ما فرق ..
علمه يا خافقي أني اشتاق لهمسته ..
وأن كل الكون يسأل عن غيبته ..
وأن دنياي تتحرى جيته ..
علمه يا خافقي أن أنا أسال عليه ..
كل يوم ينشدني إليه ..
علمه أني أسال تفاصيل المرايا ..
أن سرى يومه بخير ..؟
وأسال انا كل الزوايا ..
إمتى عزمت المسير ..؟
علمه مكانه في العيون ..
إللي تحرسه من قول العواذل والظنون ..
وأني حبيته ولا ممكن أخون ..
علمه أن قدره في صدري يمين ..
وأن مكانه فوق.. فوق لا يستهين ..
وأني لا جيت أغمض عيوني استعين ..
بربي .. من عذابٍ يبتدي في الخفوق ..
من كثر خوفي عليه ..
ومن كثر شوقي أليه ..
ومن كثر ما أموت فيه ..
علمه أني أحبه ..
كثر ما خانت العدالة أصحاب الحقوق ..
علمه يا خافقي أني ما أبغى بحياتي إلا مرضاته ..
وأن العمر يرخص لأجلها بسماته ..
وأن لو بأيدي ..
أجمع سنينٍ تحكي أمانيه ..
صدقني ما تغلى عليه ..
لجل اشوف ذرة من السعادة إللي بحياته ..




//


\\


//



\\


//

ohdt ugd;

.
حرفك أغرقني هذا الصباح
شاعره كأنت
أقف بكل الأحترام أمامه
أعذري مروري المتواضع
على أبجدية تستحق الأكثر
لا عدمناكي
.
.
تحيتي

تسلمين حبيبتي على المرور العطر..

فديت قلبك..

يعــــطـــــــيـكـ الــعــــــــافـــــيــــة..

احلــى مرور يا الغلا....

دمتي بوددد...